Хитой орбитал станцияси Тинч океани узра ёниб кетди
Хитойнинг «Тяньгун-1» орбитал станцияси Тинч океани узра атмосферага кирди. Бу ҳақда Reuters «Синьхуа» агентлигига асосан хабар бермоқда.
Дастлабки маълумотларга кўра, станция атмосферага океаннинг жанубий қисми узра Пекин вақти билан соат 08:15 (Тошкент вақти билан 5:15)да кирган ва асосан атмосферада ёниб кетган.
Европа коинот агентлигининг 28 мартдаги прогнозига кўра, станция бўлаклари қулаши мумкин бўлган ҳудудларга Португалия, Испания, Италия, Греция, Туркия, Марказий Осиё давлатлари ҳудуди (Қозоғистондан ташқари), Хитой, Япония, Африка, Осиё давлатлари, Океания, Австралия, АҚШ, Мексика, Марказий ва Жанубий Америка давлатлари ҳамда Доғистоннинг жанубий қисми кирган.
Станция орбитага 2011 йил 29 сентябрда учирилган. Шундан кейин Хитой Собиқ иттифоқ ва АҚШдан кейин ўз орбитал станциясига эга бўлган 3-давлатга айланганди.
Станция коинотда 6,5 йил бўлган. Унинг оғирлиги 8,5 тоннани, узунлиги 10,4 метрни ташкил қилади. Станцияга 2011, 2012 ва 2013 йилларда 3 та экспедиция ташриф буюрган. 2016 йилда станция билан алоқа йўқотилган.
Мавзуга оид
12:00 / 16.06.2024
Евросиё бўйлаб Тинч океанидан Атлантика океанигача – дунёнинг энг узун темирйўл йўналишлари қаерда жойлашган?
11:38 / 05.11.2023
«Дориан»дан «Наргиз»гача: Нега тўфонларга аёллар номи берилади?
16:28 / 17.07.2023
Тинч океанида уч ой сузиб юрган денгизчи қутқарилди
19:51 / 24.04.2023