Аниқланишича, нафақат одамлар, балки ўрдаклар орасида ҳам йўлларда тезликни оширишни хуш кўрувчилар бор экан. Шундай қоидабузар ўрдаклар Берн шаҳридаги йўл камераси томонидан қайд қилинган.
![](https://storage.kun.uz/source/utki.jpg)
Швейцария полициясининг маълум қилишича, йўлдаги камера уч кун ичида икки марта йўлнинг бир қисмида тезлик оширилганини қайд қилган. Аниқланишича, қоидани ўрдаклар бузган. Қуш белгиланган 30 км/соат ўрнига камера остидан 52 км/соат тезлик билан учиб ўтган, яъни белгиланган меъёрдан 22 км/соат тезроқ ҳаракатланган.
![](https://storage.kun.uz/source/utki1.jpg)
3 кундан кейин ўша камера яна бир тезлик оширилиши қоидабузарлигини қайд қилган. Қоидабузар яна ўрдак бўлиб чиққан.
Полиция жиноят бир ўрдак томондан содир этилгани, ёки “қоидабузарлар” бошқа-бошқа ўрдаклар бўлганини аниқлай олмаётганини айтган.
![](https://storage.kun.uz/source/utki2.jpg)
Ўрдакнинг (ёки ўрдакларнинг) омади келган экан, улар жарима тўламайдилар. Агар унинг ўрнида ҳайдовчи бўлганда мўмайгина жарима тўлашига тўғри келарди ва бир ойга ҳайдовчилик гувоҳномасидан маҳрум бўларди.