АҚШ бош прокурори биринчи ўринбосари ўзига таҳдид қилишаётганини билдирди

АҚШ бош прокурорининг биринчи ўринбосари Род Розенстайн сўзларига кўра, унга ҳам шахсан, ҳам кўпчиликнинг олдида таҳдид қилишган. Бу ҳақда CBS News телеканали хабар бермоқда.

«Мен сизларга шуни айтишим мумкинки, менга ҳам шахсан, ҳам кўпчиликнинг олдида таҳдид қилган одамлар бор. Менинг ўйлашимча, улар шу орқали АҚШ Адлия вазирлигини шантаж қилишнинг имкони йўқлигини тушунишлари керак», - дея айтиб ўтди Розенстайн.

Бундай реакция, катта эҳтимол билан, Розенстайнга импичмент билан таҳдид қилаётган баъзи республикачи сиёсатчилар баёнотидан сўнг пайдо бўлди.

Бош прокурор ўринбосари Россиянинг 2016 йилда АҚШдаги президентлик сайловларига аралашуви бўйича иш юзасидан суриштирувни назорат қилади.

Эслатиб ўтамиз, аввалроқ Россиянинг 2016 йилда АҚШдаги президентлик сайловларига аралашувини суриштирувдан ўтказаётган махсус прокурор Роберт Мюллер Дональд Трампни судга чақиртириш билан таҳдид қилганди.