Остона шаҳрида “Қозоғистон-Ўзбекистон” минтақалараро форуми​га тайёргарлик бошланди 

​Ўзбекистон Президенти Шавкат Мирзиёев Қозоғистон Республикаси Бош вазир биринчи ўринбосари, икки томонлама ҳамкорлик бўйича Ҳукуматлараро қўшма комиссия ҳамраиси Асқар Маминни қабул қилди. Бу ҳақда Kun.uz ахборот манбаси хабар беради.

Қозоғистон Ҳукумати вакили Асқар Маминнинг сўзларига кўра, учрашувда эришилган келишувлар сўнггида I Халқаро “Қозоғистон-Ўзбекистон” минтақалараро форумини Остонада ташкил этиш бўйича фикрлар алмашинуви бўлиб ўтган.

Эслатиб ўтамиз, 2017 йилнинг 5 апрелида Ўзбекистон Президенти Шавкат Мирзиёев ва РФ Президенти В.В.Путин учрашуви якунларига кўра, “Ўзбекистон-Россия” минтақалараро форумни ташкил этиш бўйича келишувларга эришилганди. Тахминларга кўра, форум 2018 йил Ўзбекистонда бўлиб ўтади.