Венесуэла миллий сайлов кенгаши 20 май куни президент сайловларида фуқароларга бериладиган сайлов бюллетенининг намунасини тақдим қилди.
Бюллетенда номзодлар сурати уларни қанча партия ва ҳаракат қўллаб-қувватлаган бўлса, шунча марта жойлаштирилган. Ҳаммаси бўлиб сайловларда 5 номзод иштирок этади.
Бюллетенда амалдаги президент Николас Мадуронинг сурати энг кўп жойлаштирилган – 10 та. Унинг ортидан катта фарқ билан Энри Фалькон келмоқда, унинг 4 та сурати жойлаштирилган. Қолган номзодлар – Рейнальдо Кихада, Луис Ратти ва Хавьер Бертуччи суратлари биттадан жойлаштирилган, чунки уларнинг номзодлари фақат битта партия томонидан илгари сурилган.
Таҳлилчиларнинг фикрича, ҳақиқий кураш Мадуро ва Фалькон ўртасида боради. Мамлакатда президент сайловлари билан бирга маҳаллий сайловлар ҳам бўлиб ўтади.
