Фото: Sean Gallup /Getty Images
Volkswagen немис концерни Polo моделидаги 219 мингтадан кўпроқ, Seat (СЕАТ) маркасидаги 191 мингта машинасини хавфсизлик камаридаги носоз қулфлар сабабли қайтариб олмоқда. Бу ҳақда DPA ахборот агентлиги концерн вакилига иқтибос келтирган ҳолда маълум қилди.
Жорий йилда ишлаб чиқарилган Polo ва Seat’нинг Ibiza ва Arona моделлари қайтариб олинади. Носозлик сабабли машина ҳаракатланаётганда орқа чап ўриндиқдаги хавфсизлик камари ечилиб кетиши мумкин. Таъкидланишича, компания бу носозликни бартараф этиш йўлини топган.
