Тошкент вилояти ва Татаристон ўртасида ҳамкорлик тўғрисида битим имзоланди
Тошкент вилояти ва Татаристон 2018 йилги Петербург халқаро иқтисодий форуми доирасида ҳамкорлик тўғрисидаги битим имзолади. Бу ҳақда Татаристон Республикаси президенти сайтида хабар берилган.
Ушбу ҳужжат савдо-иқтисодий, илмий-техникавий, ижтимоий ва маданий соҳаларда халқаро ҳамда ташқи иқтисодий алоқаларни амалга оширишни назарда тутади.
Татаристон президенти Рустам Миннихановнинг таъкидлашича, республика Россия-Ўзбекистон муносабатлари доирасида Ўзбекистон билан алоқаларни ривожлантиришга катта аҳамият бермоқда. 2017 йилда товар айирбошлаш ҳажми қарийб 80 фоизга ўсиб, 92 миллион долларга етди.
Шу билан бирга, Татаристон президенти савдо-иқтисодий алоқаларни янада ривожлантириш учун катта салоҳият бор эканини қайд этиб, имзоланган битим бу ишда ёрдам беришига ишонч билдирди.
Мавзуга оид
14:40
Ўзбекистон ҳудудлари ва Татаристон ўртасида қишлоқ хўжалигида ҳамкорлик йўлга қўйилади
08:50
Пиёдалар йўлагида навбатдаги қурбон: Олмалиқда “пешеход”дан ўтаётган пиёда машина уриб кетиши оқибатида ҳалок бўлди
14:34 / 03.10.2024
Тошкент вилоятида чуқурга тушиб кетган одам чиқариб олинди
17:06 / 29.09.2024