Фото: KUN.UZ
13 июнь куни Фарғона вилоятининг Боғдод туманида қотиллик юз берди. Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар қилмоқда.
Қайд этилишича, шу туманда яшовчи Н.М. уйи олдида ўзаро жанжал оқибатида қўшниси Т.М.нинг кўкрак ва қорин қисмига пичоқ билан уриб жароҳат етказиб, воқеа жойидан яширинган.
Олган жароҳати сабаб Т.М. касалхонага келтирилганида вафот этган. Кўрилган чоралар натижасида Н.М. ушланган.
Эслатиб ўтамиз, аввалроқ Самарқанд вилоятида мудҳиш қотиллик юз бергани хабар қилинганди.
