Наманган вилояти сектор раҳбарларининг Facebook’да ўз саҳифалари ишга тушди

Наманган вилояти сектор раҳбарларининг Facebook ижтимоий тармоғида ўз саҳифалари ишга тушди. Бу ҳақда вилоят ҳокимияти матбуот хизмати хабар бермоқда.

“Муҳтарам Президентимиз таъкидлаганларидек, “Халқ давлат идораларига эмас, давлат идоралари халққа хизмат қилиши керак”. Шу мақсадда, фуқаролар секторлар фаолияти бўйича ахборот олиши, таклиф билдириши ва муаммолар юзасидан мурожаат этиши учун шаҳар ва туманлар ҳокимлари, вилоят ички ишлар, солиқ бошқармалари ҳамда уларнинг ҳудудий идоралари раҳбарларининг Facebook ижтимоий тармоғида саҳифалари ишга туширилди”, дейилади маълумотда. 

Шунингдек, сектор раҳбарларига хабарларни Telegram ижтимоий тармоғи орқали ҳам тезкор юбориш имконияти мавжуд.