БМТ бош котиби Сурия жануби-ғарбида жанговар ҳаракатларни дарҳол тўхтатишга чақирди
БМТ бош котиби Антониу Гутерреш барча томонларни Сурия жануби-ғарбида жанговар ҳаракатларни дарҳол тўхтатишга чақирди.
Таъкидланишича, БМТнинг Гуманитар масалаларни мувофиқлаштириш бўйича бошқармаси ҳарбий ҳаракатлар туфайли Сурия жануби-ғарбига кўчган кишилар сони сўнгги икки кун ичида 2,5 баробарга ортгани ва 160 мингга етгани ҳақида хабар берган.
«Бош котиб Сурия жануби-ғарбидаги ҳарбий ҳужумдан ва оддий аҳоли орасида йўқотишлар тобора ортиб бораётганидан жуда ташвишда. У жанговар ҳаракатларни дарҳол тўхтатишга чақиради», - дейилади баёнотда.
Шунингдек, Гутерреш барча томонларни халқаро гуманитар қонунлар бўйича мажбуриятлар ва 2017 йилда кескинликдан холи ҳудудлар бўйича имзоланган келишувни ҳурмат қилишга чақирди.
Мавзуга оид
18:22 / 02.10.2024
БМТ бош котибига Исроилга кириш тақиқланди
10:30 / 02.10.2024
БМТ: Россия украиналик асирларни шафқатсиз қийноқларга дучор қилмоқда
11:30 / 01.10.2024
БМТ: 100 000 киши Ливандан Сурияга қочди
15:47 / 30.09.2024