Покистонда парламент сайловлари ўтказилишига 12 кун қолганда Белужистон вилоятида 13 июлда портлаш содир этилди. Портлаш оқибатида камида 128 киши ҳалок бўлган, 100 дан кўпроқ одам яраланган. Бу ҳақда Geo TV телеканали маълум қилди.
Террорчи-худкуш ўзини Мастунг округида портлатган. Воқеа сайловчилар намойиши ўтказилаётган жой яқинида содир бўлган.
Ҳалок бўлганлар орасида Белужистон халқ партиясидан номзод Навабзода Сирож Раизаний ҳам бор бўлиб, у сайловчилар билан учрашув ўтказаётган бўлган.
Ушбу ҳужум учун жавобгарликни ИШИД ўз зиммасига олган. Воқеа жойида полиция ва хавфсизлик кучлари нарядлари кучайтирилган.
Покистон марказий сайлов комиссияси теракт сабабли бу сайлов округидаги сайловларни кўчиришга қарор қилган.
