Порошенко Қрим бўйича янги топшириқ берди

Фото: Украина президенти матбуот хизмати/ТАСС

Украина етакчиси Пётр Порошенконинг айтишича, дипломатларга БМТ Бош ассамблеясининг навбатдаги сессияси учун Қрим ярим оролининг мақоми тўғрисида янги резолюцияни тайёрлаш ҳақида топшириқ берган. Бу ҳақда РИА «Новости» хабар қилмоқда.

Порошенконинг таъкидлашича, БМТ Бош ассамблеяси ярим орол бўйича Украинанинг позициясини бир неча бор қўллаб-қувватлаган.

«Мен дипломатларга БМТ Бош ассамблеясининг навбатдаги сессияси учун Қрим бўйича янги резолюцияни тайёрлаш ҳақида топшириқ бердим. Бу Қрим мақоми бўйича ҳар қандай спекуляцияни тўхтатиш учун қилинди», - дея маълум қилган Порошенко.