Зангиотада яшовчи фуқаронинг уйидан 140 минг долларни ўғирлаб кетишди

Тошкент вилоятининг Зангиота туманида жиноят юз берди, деб хабар қилмоқда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси.

Қайд этилишича, шу йил 28 июль куни номаълум шахс “Илғор” МФЙда яшовчи М.Л.нинг уйига дераза панжарасини бузиш йўли билан кириб, ётоқхонасидан 140 минг АҚШ доллари ва сариқ металлдан ясалган аёллар қўл соатини ўғирлаб кетган.

Кўрилган чоралар натижасида ушбу жиноятни Зангиота туманида яшовчи муқаддам судланган Ш.Ҳ. содир этганлиги аниқланиб ушланган.