Япониялик теннисчи Наоми Осака Америка очиқ чемпионати - US Open финалида америкалик Серена Уильямсни мағлубиятга учратди - 6:2, 6:4.
Баҳс давомида Уильямс мураббийи Патрик Муратўғли билан гаплашгани учун огоҳлантирилди.
Кейинроқ америкалик теннисчи ракеткасини синдириб ташлади ва жарима очколари билан жазоланди.
Кейин эса ҳакам Карлос Рамосни «ёлғончи» ва «ўғри» деб атади ҳамда ҳакамни ҳақоратлагани учун геймдан маҳрум бўлди.
Натижада иккинчи сетда ҳисоб 3:5 кўринишини олди.
Шу билан бирга «Катта шлем» турнирларида 23 бор чемпион бўлган, US Open турнирининг 6 карра чемпиони Уильямс АҚШ очиқ чемпионатининг бош арбитрини чақирган ва ўзига ҳакам томонидан ишлатилган ҳақоратли сўзлар ҳақида эътироз билдирган.
20 ёшли Осака ўз фаолиятида илк марта «Катта шлем» турнирида ғолиб чиқди ва бундай турнирда ғолиб бўлган илк японияликка айланди.
Нью-Йорк (АҚШ)
US Open «Катта шлем» турнири
Умумий соврин жамғармаси 53 000 000 доллар
Очиқ кортлар, хард
Аёллар
Яккалик разряд
Финал
Наоми Осака (Япония, 20) - Серена Уильямс (АҚШ, 17) - 6:2, 6:4
Маълумот учун, Наоми Осака ўтган йили бу турнирдаги иштирокини 1/16 финалдаёқ якунлаганди. У дастлаб германиялик Анжелика Кербер устидан ишончли ғалабага эришган бўлсада (6-3,6-1), кейинги босқичда эстониялик Канепига ютқазиб қўйганди.
