Қозоғистон вакили Елена Рибакина ўз фаолиятида илк бор дунёнинг биринчи ракеткасига айланади.
Рибакина 9 сентябр куни US Open турнирининг яримфиналига чиққач, жаҳон рейтингида биринчи ўринни кафолатлади. Бу расман 14 сентябр куни, рейтинг навбатдаги марта ҳафталик янгиланганидан сўнг юз беради.
Москвада туғилган 27 ёшли Рибакина 2018 йилдан буён Қозоғистон шарафини ҳимоя қилиб келади. Бунгача у Россия вакили сифатида қатнашган.
Россияда Рибакина профессионал фаолиятини молиялаштириш учун етарли даражада маблағ топа олмаган, Қозоғистон теннис федерацияси эса унга мамлакат номидан қатнашиш эвазига молиявий ёрдам ва машғулот базаларини таклиф қилган.
Рибакина жаҳон рейтингида пешқадамлик қилган тарихдаги 30-теннисчи ва Қозоғистоннинг биринчи вакили бўлади.
Айни пайтда дунёнинг биринчи ракеткаси беларуслик Арина Соболенко ҳисобланади. У юз ҳафтадан ошиқ вақтдан бери рейтингни бошқариб келмоқда.
