Сальвадорнинг собиқ президенти 10 йиллик қамоқ жазосига маҳкум қилинди  

Сальвадорнинг собиқ президенти Антонио Сака коррупция учун 10 йиллик қамоқ жазоси олди.

“Собиқ президент Элиас Антонио Сака пуллар ва активларни ўғирлаш ва ювиш учун 10 йиллик қамоқ жазоси олди. У мамлакатнинг коррупция билан боғланган жиноятлар учун жазоланган биринчи собиқ президенти бўлди”, деб айтилган Сальвадор прокуратураси баёнотида.

Сака 2016 йил октябрда коррупция ва давлат маблағларини харжлаб юбориш гумони билан ҳибсга олинган. У президент ваколати тугашигача ҳисоб рақамида турган 5 млн доллар қаердан олинганини изоҳлаб бера олмагандан кейин ноқонуний бойишда айбланган.

Сака Сальвадор президенти лавозимини 2004 йилдан 2009 йилгача эгаллаган.