АҚШда давлатнинг биринчи шахсларини қўриқлашга масъул бўлган махфий хизмат шубҳали конвертни аниқлади, у мамлакат президенти Дональд Трампга мўлжалланган бўлган. Бу ҳақда The Hill ёзмоқда.
Таъкидланишича, конверт 1 октябрь куни етказилган, бироқ Оқ уй биносига киритилмаган. Айни дамда суриштирув ишлари олиб борилмоқда.
Аввалроқ, Пентагон раҳбари Жеймс Мэттис ва АҚШ ҳарбий-денгиз кучларида ҳарбий-денгиз амалиётларига раҳбарлик қилувчи адмирал Жон Ричардсонни конвертлардаги заҳарли модда ёрдамида заҳарлашга уринишгани ҳақида турли хабарлар тарқалганди.
