Финляндия президенти Трамп билан ёнғинлар ҳақида гаплашганини эслай олмади

Фото: Chip Somodevilla/Getty Images

Финляндия президенти Саули Ниинистёнинг маълум қилишича, АҚШ етакчиси Дональд Трамп билан Калифорниядаги ўрмон ёнғинлари ҳақида суҳбатлашганини эслай олмайди. Бу ҳақда MediaITE хабар бермоқда.

Портал маълумотларига кўра, Ниинистё Трампга ёнғинлар билан курашиш бўйича қандайдир маслаҳат берганига ишончи комил эмас.

Таъкидланишича, Трамп Калифорнияга қилган ташрифи чоғида Финляндия кўп вақтни ўрмонларни тозалашга сарф қилиши ва шунинг учун уларда ёнғинлар юз бермаслиги ҳақида айтган.

Шу билан бирга, АҚШ президентининг билдиришича, Ниинистё унга бу ҳақда гапирган.

Эслатиб ўтамиз, аввалроқ Калифорниядаги ёнғинда мингдан зиёд киши бедарак йўқолганди.