Фото: raya.com
Тожикистонлик олим таржимонлик фаолияти учун Шайх Хамад мукофотига сазовор бўлди. 11-12 декабрь кунлари Қатар пойтахти Доҳада халқаро таржимонлар конференцияси бўлиб ўтди.
Тожикистон Ташқи ишлар вазирлигининг ахборот департаменти хабарига кўра, анжуманда 20дан ортиқ мамлакатдан келган олимлар ва тадқиқотчилар иштирок этди.
Конференция якунларига кўра, халқаро ҳайъат қарори билан «Энг яхши таржимонлик фаолияти» номинациясида тожикистонлик профессор, филология фанлари доктори Саидраҳмон Сулаймоний биринчи ўринни эгаллади.
12 декабрь куни Доҳада Қатар амири Шайх Хамаднинг таржима соҳасидаги мукофоти билан тақдирлаш маросими бўлиб ўтди.
