Фото: AFP
«Ливерпуль» ҳужумчиси Роберто Фирмино «Samba Gold 2018» мукофоти соҳибига айланди.
Ушбу соврин Европада тўп сурувчи энг яхши бразилиялик футболчига берилади. Ғолиб номи журналистлар, футболчилар ва интернет-фойдаланувчилари ўртасида ўтказиладиган сўровнома натижасида аниқланади.
Овоз бериш жараёни қуйидаги натижаларни тақдим этди:
1. Роберто Фирмино – 27,79%
2. Марсело – 20,51%
3. Неймар – 18,67%
4. Алиссон – 16,39%
Таъсисчиларнинг қайд этишича, «Samba Gold» иккинчи маротаба «Ливерпуль» футболчисига насиб этмоқда. 2016 йилда «қизиллар»дан Филипе Коутиньо Европадаги энг яхши бразилиялик ўйинчи деб топилганди.
