2018 йилда 15 мингдан зиёд тадбиркорлик субъекти фаолияти тугатилди

2018 йил январь-декабрь ойларида 15 601 та кичик тадбиркорлик субъектлари тугатилган. Бу ҳақда Давлат статистика қўмитаси хабар бермоқда.

Уларнинг асосий қисми 4624 таси (29,6%) савдо, 2996 таси (19,2%) саноат, 1663 таси (10,7%) қурилиш, 1603 таси (10,3%) қишлоқ, ўрмон ва балиқ хўжалиги, 1173 таси (7,5%) яшаш ва овқатланиш бўйича хизматлар, 748 таси (4,8%) ташиш ва сақлаш, 422 таси (2,7%) ахборот ва алоқа, 134 таси (0,9%) соғлиқни сақлаш ва ижтимоий хизматлар кўрсатиш ҳамда 2238 таси (14,3%) бошқа фаолият турлари ҳиссаларига тўғри келган.

Тадбиркорликни қўллаб-қувватлаш натижасида ҳудудларда ҳам тугатилган кичик корхона ва микрофирмалар сони йилдан йилга камайиб бормоқда. Ушбу йўналишда асосан Андижон вилоятида -3150 та, Қашқадарёда -1060 та, Тошкентда -863 та ҳамда Самарқанд вилоятида -503 та кичик корхона ва микрофирмалар ўтган йилга нисбатан кам тугатилганлигини статистик рақамларда кўриш мумкин, дейилади хабарда.