Трамп Европа давлатларини ИШИДга аъзо 800 дан кўп фуқаросини “қайтариб олишга” чақирди

АҚШ президенти Дональд Трамп Европа давлатларини, жумладан Буюк Британия, Франция ва Германияни ИШИДга аъзо бўлган 800 дан кўп жангарини “қайтариб олишга” ва уларни судга топширишга чақирди.

“АҚШ Британия, Франция, Германия ва Европанинг бошқа давлатларини Сурияда қўлга тушган 800 дан кўпроқ жангарини қайтариб олишга ва уларни судга топширишга чақиради”, деб ёзган Трамп твиттерда. 

“Ҳалифалик мана-мана яксон бўлади”, деб қўшимча қилган АҚШ раҳбари.

“АҚШ ИШИД жангариларининг Европага кириб боришини кузатиб туришни истамайди. Биз кўп нарса ва кўп сарф-харажат қилмоқдамиз. Бошқаларнинг фаоллашиши ва қўлидан келадиган ишни қилиши вақти келди”, деб ёзган Трамп.