Порошенко ва Зеленский ўртасидаги дебатларга чипталар сотиш таклиф қилинди

Фото: РИА Новости

Украиналик сиёсатшунос Руслан Бортник Украина президенти лавозимига номзодлар Владимир Зеленский ва Пётр Порошенко ўртасидаги дебатларга чипталар сотишни таклиф қилди. У бу таклифни NewsOne эфирида билдирган.

“Бу дуэт учун минг гривнадан бемалол олиш мумкин. Одамлар бунда бажонидил иштирок этадилар. Бундай тадбирларга хос тарзда суратлар, параллел равишда хот-доглар сотиш мумкин. Ўртани қиздириш учун албатта “Океан Эльза”дан Святослав Вакарчукни таклиф қилиш керак”, деб айтган Бортник.

3 апрелда Зеленский Порошенкони мамлакатдаги энг катта стадион “Олимпийский”да дебатлар ўтказишга чақирган. Порошенко бу таклифни қабул қилган. Зеленский дебатлар модератори ролига президент сайловларининг 1-босқичидан ўта олмаган Юлия Тимошенкони таклиф қилган.

Сайловларнинг 1-босқичи 31 март куни бўлиб ўтди, 2-босқич эса 21 апрелга белгиланган.

#Володимир Зеленский #. Пётр Порошенко

2019 йилнинг 31 мартида Украинада президентлик сайловлари ўтказилади. Сайловда иштирок этиш учун 44 номзод, шу жумладан мамлакатнинг амалдаги президенти Пётр Порошенко ҳужжат топширган.