Фото: Getty Images
Таниқли италиялик мураббий Фабио Капелло «Реал»даги ҳозирги вазиятга муносабат билдирди.
«Ҳар доим айтганман, «Реал» ва «Барселона» жамоалари билан ўйинлар 1:0 ҳисоби билан бошланади. Уларни мағлуб этиш учун камида иккита гол уришинг керак. Бу мавсумда «Реал» шу жиҳатдан оқсаяпти, шунинг учун ўйинларни бошқалар каби 0:0 ҳисобида бошлаяпти. Шунча муаммога дуч келаётганининг сабаби шунда. Криштиану Роналду «Ювентус»да қандай ўйнаётганини кўриб турибмиз. Авваллари «Реал»га қарши ўйнайдиган ҳимоячиларда қўрқув бўларди, ҳозир бундай эмас», – деган Капеллонинг сўзларини келтирмоқда Marca.
Эслатиб ўтамиз, ушбу мутахассис «қироллик клуби»га 1996-1997 ҳамда 2006-2007 йилларда бош мураббий бўлган ҳар икки сафар ҳам Испания чемпионлигига эришган.
