Ўзбекистон ва Грузия ўртасида тўғридан-тўғри авиарейс йўлга қўйилмоқда

Фото: KUN.UZ

«Ўзбекистон ҳаво йўллари» Миллий авиакомпанияси 2019 йил 16 июлдан бошлаб, Тошкент- Тбилиси -Тошкент йўналишида мунтазам йўловчи қатновларини тақдим этади. Бу ҳақда Kun.uz’га авиакомпания хабар берди.

Қатновлар ҳафтасига 2 марта, сешанба ва жума кунлари қуйидаги жадвалга асосан бажарилади (маҳаллий вақт):

Сешанба: HY-745 Тошкент 15:50 - Тбилиси 18:30
Сешанба: HY-746 Тбилиси 19:30 - Тошкент 23:50

Жума: HY-745 Тошкент 08:00 - Тбилиси 10:40
Жума: HY-746 Тбилиси 11:40 - Тошкент 16:00

Парвозлар замонавий Airbus-320 самолётларида амалга оширилади.

Эслатиб ўтамиз, аввалроқ Ўзбекистон ва Грузия авиация маъмуриятлари мамлакатлар ўртасида авиақатновни йўлга қўйиш бўйича музокаралар ўтказганди.

СССР парчаланганидан сўнг икки давлат ўртасида тўғридан-тўғри авиақатнов ҳам тўхтаб қолган. Бугунги кунда парвозлар учинчи давлатлар орқали йўлга қўйилган ва Тошкентдан Тбилисига сафар учун минимал вақт саккиз соатдан ортиқни ташкил этади.