Ер олиб бериш баҳонасида 10 000 долларга чув туширган шахс ушланди

Тошкент шаҳрининг Чилонзор туманида жорий йил 7 май куни туман ИИБга ҳужжатлар тушган, деб хабар бермоқда Ўзбекистон Республикаси ИИВ Жамоатчилик ва ОАВ билан алоқалар бошқармаси.

Унда 2018 йил 6 декабрь куни Тошкент вилояти Зангиота туманида яшовчи 34 ёшли И.И. таниши, Чилонзор туманида яшовчи 51 ёшли Н.М.нинг уйида унга юқори лавозимда ишловчи танишлари орқали Тошкент шаҳар Юнусобод туманида жойлашган “Аҳмад Дониш” савдо бозори олдидан 13 сотих ер олиб беришини айтиб, ишончига кириб, ундан фирибгарлик йўли билан 10 000 АҚШ долларини олиб, шу кунга қадар берган ваъдасини бажармай пулларни ўз эҳтиёжлари учун ишлатиб юборганлиги кўрсатилган.

И.И. ушланган. Ҳолат юзасидан жиноят иши қўзғатилиб, тергов ҳаракатлари олиб борилмоқда.