Фото: REUTERS
АҚШ Давлат котиби Майк Помпео расмий ташриф билан Россияга ташрифини бошлади. Бу МРБнинг собиқ раҳбари ва амалдаги давлат котибининг Россияга илк ташрифи бўлмоқда. Помпео Сочида Россия ташқи ишлар вазири Сергей Лавров ҳамда Россия президенти Владимир Путин билан учрашади.
Помпео ҳамкасби Сергей Лавров билан учрашувдан сўнг Путин билан учрашувга йўл олади. Помпео Путин билан Венесуэла, Сурия, Корея яримороли ва Украинадаги воқеалар ҳақида гаплашиши кутилмоқда. Бундан ташқари, АҚШ давлат котиби Путин билан икки мамлакат етакчиларининг июнь ойида Осакада ўтказиладиган «Катта йигирматалик» мамлакатлари йиғилиши доирасида эҳтимолий учрашувларини муҳокама қилади.
