Месси миллий жамоаларнинг жорий тўпурарлари рўйхатида иккинчи ўринга кўтарилди, пешқадам - Роналду

Дунё терма жамоаларининг ҳозирги тўпурар футболчилари рўйхатида Лионель Месси иккинчи ўринга кўтарилди.

ESPN маълумотига кўра, Аргентина миллий жамоаси сардорининг термадаги голлари сони 68тага етган. Бу билан у Ҳиндистон миллий жамоасининг 34 ёшли ҳужумчиси Сунила Чҳетрига етиб олган ва иккинчи ўринга жойлашган.

Терма жамоаларнинг ҳозирги аъзолари ичида Криштиану Роналду ҳаммадан кўпроқ гол урган. У Португалия миллий жамоасининг 157та ўйинида 88та тўп киритган. Мессига эса 68-голини уриш учун 132та ўйин ўтказиш керак бўлди.

Маълумот учун, Лео 2005 йилдан буён Аргентина термаси аъзоси. У уч маротаба Копа Америка, бир марта Жаҳон чемпионатида финалида қатнашган; ҳар гал мағлубиятга учраган. Жорий Америка Кубогида аргентиналиклар биринчи турда Колумбияга ютқазиб, кейин Парагвай билан дуранг ўйнашди ва учинчи тур олдидан ўз гуруҳида сўнгги ўринни эгаллаб турибди.