Фото: Bloomberg
Жанубий Корея олий суди Samsung Electronics вице-президенти ва раҳбари Ли Чжэ Ён ишини қайта кўришга юборди. Бу ҳақда "Рёнхап" агентлиги хабар берди.
"2018 йил февралда қабул қилинган қарор Жанубий Корея олий суди якуний хулосасига мувофиқ қайта кўриб чиқилади", - дейилади агентлик хабарида.
2018 йилда Сеул юқори суди Ли Чжэ Ёндан қатор жиддий айбловларни олиб ташлаган ва озодликдан маҳрум қилиш жазосини икки бараварга – 2,5 йилгача қисқартирганди. Шу тарзда Ли Чжэ Ён қамоқда деярли бир йил ўтирганидан сўнг озодликка чиққанди.
"Samsung меросхўри" иши мамлакатнинг собиқ президенти Пак Кин Хе атрофида юзага келган коррупцион можаро билан боғлиқ.
