Боткен вилоятида Қирғизистон, Ўзбекистон ва Тожикистон ҳамкорлигида ўқув машқлари ўтказилди

Жорий йилнинг 24-25 сентябрь кунлари Қирғизистон Республикаси Боткен туманида “Қирғизистоннинг Боткен вилояти ҳудудида табиий тусдаги фавқулодда вазиятлар юзага келганда Қирғизистон Республикаси, Тожикистон Республикаси ва Ўзбекистон Республикаси бошқарув органлари, куч ва воситаларининг ҳамкорликдаги ҳаракати" мавзусида ҳамкорликдаги ўқув машқлари ўтказилди.

ФВВ хабарига кўра, ўтказилган ўқув машқларининг асосий мақсади Марказий Осиёда вайронкор зилзила натижасида юзага келган фавқулодда вазиятларни бартараф этиш бўйича Қирғизистон Республикаси, Тожикистон Республикаси ва Ўзбекистон Республикаси ёнғин-қутқарув бўлинмаларининг тайёргарлик даражасини оширишдан иборат бўлди.

Таъкидланишича, машғулотда Ўзбекистон Республикаси ва Қирғизистон Республикаси Фавқулодда вазиятлар вазирлиги, Тожикистон Республикаси Тожикистон Республикаси ҳукумати қошидаги Фавқулодда вазиятлар ва фуқаролар мудофааси қўмитаси ёнғин-қутқарув бўлинмалари иштирок этди.