Марказий банк раиси ўринбосарларидан бири бошқа ишга ўтказилди

Ўзбекистон Марказий банки раиси ўринбосари Ориф Алибоевич Бўтаев ўз лавозимини тарк этди.

Kun.uz манбаси хабар қилишича, Ориф Бўтаев «Ўзсаноатқурилишбанк» раисининг биринчи ўринбосари этиб тайинланган.

Ориф Бўтаев 1983 йилда туғилган, 2006 йилда Тошкент давлат иқтисодиёт университетини, 2012 йилда Банк-молия академиясини тамомлаган.

У муқаддам Марказий банкнинг Кредит маълумотларининг давлат реестрини юритиш департаментини бошқарган, 2018 йилнинг ноябридан буён Марказий банк раиси ўринбосари лавозимида ишлаб келаётганди.

Тайёрлаган: Азиз Қаршиев

#Марказий банк #Ориф Бўтаев