Қоракўл териларини яширинча олиб чиқиш режаси чиппакка чиқди

Фото: Давлат божхона қўмитаси ахборот хизмати

Божхона органлари томонидан божхона қонунбузилиши ҳолатларига қарши тизимли равишда кескин кураш олиб борилмоқда.

Жумладан, Қорақалпоғистон Республикаси божхона бошқармаси “Қорақалпоғистон” темир йўл чегара божхона пости ходимлари томонидан хорижга йўл олган поезд вагонлари таркиби белгиланган тартибда божхона назоратидан ўтказилди. Бу ҳақда Давлат божхона қўмитаси ахборот хизмати хабар бермоқда

Натижада, мазкур поезд вагонларининг бирида тамбур ёнидаги раковина тагига умумий қиймати 20,3 миллион сўмлик 29 дона қоракўл терилари яширилган ҳолда, ноқонуний олиб кетилаётганлиги аниқланди.

Ҳозирда мазкур ҳолат юзасидан божхона органлари томонидан суриштирув ҳаракатлари давом эттирилмоқда.