Бир гуруҳ эронлик фуқаролар қалбаки паспорт билан Ўзбекистонга киришга уринди. Бу ҳақда ДХХ Чегара қўшинлари хабар бермоқда.
Қайд этилишича, шу йилнинг 4 декабрь куни Ислом Каримов номидаги “Тошкент” халқаро аэропортида ДХХ Чегара қўшинлари ҳарбий хизматчилари томонидан ҳужжатларни назоратдан ўтказиш вақтида 5 нафар шахс қўлга олинди.
Асли Эрон Ислом Республикаси фуқаролари бўлган бу шахслар тақдим этган Испания давлатининг фуқаролик паспортлари текширилганда, уларнинг қалбаки эканлиги маълум бўлди.
Уларга нисбатан тегишли чоралар кўрилди, дейилади ДХХ Чегара қўшинлари маълумотида.
