Бу ҳақда АҚШ давлат департаменти баёнотида айтилган.
Таъкидланишича, АҚШ Афғонистон президенти Ашраф Ғани ва бош вазир, президент сайловларида иштирок этган Абдулла Абдулла “инклюзив ҳукумат” борасида келиша олмаганларидан афсусланиш билдирган.
Шу сабабли Вашингтон “Афғонистон билан ҳамкорлик доирасини қайта кўриб” чиқмоқчи.
“Жумладан, биз Афғонистондаги харажатларимизни чеклашимизни эълон қиламиз ва жорий йилдаги молиявий ёрдамимизни бир миллиард долларга қисқартирамиз”, деб айтилган баёнотда.
Шунингдек, 2021 йилда ҳам молиявий ёрдам 1 миллиард долларга қисқартирилади.
18 февралда Ғани Афғонистонда 2019 йил ўтган президент сайловларининг ғолиби деб эълон қилинган. Бироқ унинг асосий рақиби Абдулла Абдулла сайловлар натижаларини тан олишдан бош тортган.
Айни вақтда мамлакатда қўшҳокимлик юзага келган.
