Пенс коронавирус пандемияси вақтида тавсия қилинган матоли ниқобдан фойдаланишни бошлаган. Бундан NBC телекомпанияси эълон қилган видео дарак бермоқда.
Пенс 30 апрелда General Motors ва Ventec Life Systems компанияларининг Индиана штатида жойлашган, ўпкани сунъий вентиляция қилиш қурилмаларини тайёрловчи қўшма корхонасига ташриф буюрган. Вице-президент ва барча кишилар ҳимоя ниқобларида бўлган.
VP Pence wears mask while touring a GM facility producing ventilators in Kokomo, Indiana. pic.twitter.com/VssPxMJjtO
— NBC News (@NBCNews) April 30, 2020
Ўтган ҳафта Пенс Миннесота штатидаги клиникага ташрифи вақтида ниқобсиз бўлган. Журналистлар билан суҳбатда у ниқоби йўқлигини коронавирусга чалинмагани билан тушунтирган.
Шундан кейин АҚШнинг етакчи ОАВлари Пенсни ёмон ўрнак кўрсатишда айблашган.
