Трамп ва Оқ уйнинг барча ходимлари коронавирусга кундалик тест топширади

АҚШ президенти Дональд Трамп Оқ уйнинг барча ходимлари коронавирусга кундалик мунтазам тест топширишларини маълум қилди.

Фото: REUTERS

Трампнинг ўзи ва вице-президент Майк Пенс ҳам ҳар куни коронавирусга тест топширади.

Бунга Трампнинг шахсий ёрдамчилардан бирида коронавирус борлиги тасдиқлангани сабаб бўлган.

АҚШ раҳбари журналистлар билан брифингда ўз ёрдамчисидан зарарланмаганига умид қилишини, чунки у билан деярли мулоқотда бўлмаганини айтган.

Трамп коронавирусга нафақат у, балки Оқ уйнинг барча ходимлари, жумладан Майк Пенс ҳам қон топширишини таъкидлаб ўтган.

АҚШ президенти тегишли текширувдан 6 ва 7 май кунлари ўтганини ва натижалар манфий бўлганини қўшимча қилган.

Аввалроқ Трампнинг шахсий камердинери вазифасини бажарувчи АҚШ ҳарбий-денгиз кучлари хизматчисида коронавирус аниқлангани маълум бўлганди.

Тайёрлаган Шуҳрат Раҳимов

#Дональд Трамп #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.