Қозоғистонда кескин карантин яна узайтирилди
Қозоғистонга киритилган кескин карантин чоралари яна икки ҳафтага узайтирилди. Бу ҳақда мамлакат президенти Қосим-Жўмарт Тўқаев ўзининг твиттер саҳифасида маълум қилган.
«Эпидемиологик вазият сабаб жорий қилинган кескин карантин чоралари яна икки ҳафтага узайтирилади. Эртага ҳукумат комиссияси бу борада қарор қабул қилади. Карантин фуқароларнинг саломатлиги ва улар ўзларини ҳимоя қилиши учун зарур», деб ёзган президент микроблогида.
Қозоғистонда 5 июль куни икки ҳафта давомида амал қилувчи кескин карантин жорий қилинган. Энди бу муддат яна икки ҳафтага узайтирилади ва қозоғистонликлар август ойининг бошигача кескин карантинга амал қилишади. Олдинроқ молиявий қийин ҳолатдаги қозоғистонликларга 42 500 тенгедан (103 доллар атрофида) ёрдам пули берилиши маълум бўлганди.
Маълумот учун, Қозоғистонда коронавирус юқтирганлар сони 60 мингга яқинлашган. Вирус 375 нафар қозоғистонликларнинг ўлимига олиб келган.
Мавзуга оид
20:09 / 20.09.2024
Қозоғистонда хорижликларни депортация қилиш қоидалари кучайтирилиши мумкин
08:30 / 20.09.2024
Қозоғистоннинг Ўзбекистондаги элчиси “Дўстлик” ордени билан мукофотланди
16:07 / 19.09.2024
Қозоғистон 2022 йилдан бери 2,3 млрд долларлик активларни давлат ҳисобига қайтарди
12:30 / 17.09.2024