АҚШда қора ўлат юқтириб олган инсон аниқланди
АҚШнинг Колорадо штатида яшовчи инсонда қора ўлат аниқланди, деб хабар берди Denver Post газетаси.
Бу 2015 йилдан бери юз берган илк ҳолат бўлиб, касаллик олмахондан юққанлиги тахмин қилинмоқда. Ҳозирги вақтда бу инсон соғайиб кетган. Шифокорлар эса хавотирга ўрин йўқ деб ҳисоблашмоқда.
14 июль куни Колорадо штатида қора ўлатдан зарарланган олмахон аниқланган эди. У штат пойтахти Денвер яқинидаги Моррисон шаҳрида ўта хавфли юқумли касалликнинг илк ташувчиси сифатида қайд этилган.
Шифокорларнинг таъкидлашича, хавфсизлик чораларига амал қилинса, касалликни юқтириб олиш эҳтимоли жуда кам, эпидемиянинг авж олиши ҳақида эса гапирмаса ҳам бўлади.
Июль ойининг бошида Ғарбий Мўғулистонда қора ўлат тарқалиб кетгани маълум бўлган эди. 27 ёшли эркак ва ёши кўрсатилмаган аёл касаллик аломатлари билан шифохонага ётқизилди. Аёлнинг аҳволи жуда оғирлиги, касаллик аломатлари пайдо бўлганидан кейин у билан бевосита 60 одам, билвосита 400 одам контактда бўлгани хабар берилди. Касаллик юқишига иккаласининг ҳам суғур гўштини истеъмол қилгани сабаб бўлган.
Мавзуга оид
23:25 / 20.09.2024
АҚШ президентлигига номзодлар хавфсизлиги кучайтирилиши мумкин
18:08 / 20.09.2024
Америкада эркак 18 йил бировнинг “свет”ига пул тўлаб келгани аниқланди
12:30 / 20.09.2024
АҚШ Россия ва КХДРнинг бешта юридик ва жисмоний шахсига қарши санкциялар киритди
10:28 / 20.09.2024