Чилонзорда Labo'нинг реклама устунига келиб урилиши оқибатида бир киши ҳалок бўлди

Жорий йилнинг 11 август куни тахминан соат 11:30да 102 рақамига Чилонзор тумани Бунёдкор кўчасида йўл-транспорт ҳодисаси рўй бергани ҳақида хабар келиб тушган. 

Тошкент шаҳар ИИББ маълумотида айтилишича, 20 ёшли А.Н. “Labo” русумли юк автомобилини бошқариш давомида бошқарувни йўқотиб реклама устунига тўқнашган. Ҳодиса сабаблари аниқланмоқда.

ЙТҲ натижасида бадан шикастлари етган ҳайдовчи шифохонага етказилди. Йўловчи –Тошкент вилоятидан бўлган 31 ёшли Б.С. олган бадан шикастлари сабабли воқеа жойида ҳаётдан кўз юмди. 

Мазкур факт бўйича Ўзбекистон Республикаси Жиноят кодексининг 266 моддаси бўйича жиноий иш қўзғатилди.
 
“Ҳурматли ҳайдовчилар! Йўл ҳаракати қоидаларига риоя қилинг, қоидалар соғлиғингиз ва ҳаётингизни асрайди”, - дейилади маълумотда.