Юнусободда ичимлик суви тармоғида носозлик юзага келди

Айрим манзилларда сув таъминоти вақтинча тўхтатилади.

Жорий йилнинг 24 август кунидан 25 август кунига ўтар кечаси Юнусобод тумани 10-мавзеда 800 мм. диаметрдаги ичимлик суви тармоғида носозлик юзага келган.

Тошкент шаҳар ҳокимлиги хабарига кўра, бунинг натижасида айрим манзилгоҳларда сув таъминоти вақтинча тўхтатилади.

Улар:

- Тикланиш кўчаси;
- Гулёр кўчаси;
- Тикланиш 1, 2, 3, 4, 5 ва 6-тор кўчалари.

Ҳозирда аварияни бартараф этиш ишлари ташкил қилинган. Соат 17:00да ишлар тугатилади ва ичимлик суви таъминоти тикланади.

Мазкур кўчаларга ичимлик суви ташувчи автоцистерналарда сув етказиб берилади. Мурожаат учун: 71 252-60-08, 71 252-55-78

Ноқулайликлар учун узр сўралган.