Январь-октябрь ойларида Ўзбекистоннинг иқтисодий ҳолати қандай ўзгаргани маълум қилинди

Давлат статистика қўмитаси хабарига кўра, 2020 йилнинг январь-октябрь ойларида Ўзбекистонда саноат ишлаб чиқариш физик ҳажми индекси 98,4 фоизга тенг бўлди.

Шунингдек, чакана савдо товар айланмаси ўсиш суръати 1,2 фоиз, ташқи савдо айланмаси ўсиш суръати 7,6 фоиз, шундан экспортнинг ўсиш суръати 2,6 фоиз, импортнинг ўсиш суръати 4,0 фоизни ташкил қилди.

Қурилиш ишлари ҳажмининг ўсиш суръати – 9,1 фоиз, хизматлар ҳажмининг ўсиш суръати 2,2 фоизга тенг бўлди.

Рўйхатдан ўтган кичик тадбиркорлик субъектлари сони - 424 395та, фаолият кўрсатаётган кичик тадбиркорлик субъектлари сони – 398 771та, рўйхатдан ўтган корхона ва ташкилотлар сони – 490 718та, фаолият кўрсатаётган корхона ва ташкилотлар сони 462 584тани ташкил этди.