Трамп келаси ҳафтадан COVID-вакцина етказиш бошланишини маълум қилди

Вакцинанинг дастлабки партиялари тиббиёт ходимлари ва кекса ёшдагиларга берилади.

Фото: REUTERS / Erin Scott

АҚШ президенти Доналд Трамп мамлакатда келаси ҳафтадан ёки бир ҳафтадан сўнг коронавирусга қарши вакцина етказиб бериш бошланишини маълум қилди. У бу ҳақда америкалик ҳарбийлар билан ўтказилган видеоконференция чоғида айтди.

Унинг сўзларига кўра, вакцинанинг дастлабки партиялари тиббиёт ходимлари ва кекса ёшдагиларга берилади.

Аввалроқ АҚШда коронавирусга қарши эмлаш 11 декабрдан бошланиши мумкинлиги хабар қилинганди. Бу ҳақда Доналд Трампнинг вакциналар бўйича маслаҳатчиси Монсеф Слауи маълум қилган.

Тайёрлаган Дилшод Аскаров

#АҚШ #вакцина

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.