АҚШда 2021 йил мартигача 100 млн кишини коронавирусга қарши эмлаш режалаштирилмоқда
Ҳукуматнинг режасига кўра, декабрда 20 млн, январда 30 млн ва февралда яна 50 млн киши эмланади.
АҚШ ҳукумати 2021 йилнинг феврал ойи охиригача 100 млн кишини ёки мамлакат катта ёшли аҳолисининг 40 фоизини коронавирусга қарши эмлашни режалаштирмоқда. Бу ҳақда ҳукумат маслаҳатчиси Монсеф Слауи маълум қилди.
Унинг сўзларига кўра, коронавирусга қарши вакцинация декабр ўрталарида бошланиши мумкин.
30 ноябрда Американинг Moderna компанияси ўзининг коронавирусга қарши mRNA-1273 вакцинаси рўйхатга олиниши учун ариза топширганини маълум қилганди.
Кейинроқ АҚШдаги яна бир фармацевтика компанияси – Pfizer Германиянинг BioNTech компанияси билан ҳамкорликда ишлаб чиққан вакцинасини рўйхатга олиш учун ҳужжат топширди.
АҚШда аҳолини эмлашда ҳар икки вакцинадан фойдаланиш кутилмоқда. Ҳукуматнинг режасига кўра, декабрда 20 млн, январда 30 млн ва февралда яна 50 млн киши эмланади.
Жонс Ҳопкинс университети маълумотларига кўра, АҚШда пандемия даврида 273 мингдан ортиқ киши вафот этди, коронавирус юқтирганлар сони эса 13,9 млн нафарга етди.
Мавзуга оид
22:33
АҚШ Қозоғистонда АЭС қуриш бўйича тендерда иштирок этиш истагини билдирди
21:16 / 06.10.2024
Трамп сайловда ғалаба қозонса, америкаликларни Марсга қўндиришга ваъда берди
09:51 / 06.10.2024
Долларнинг келажагига шубҳалар қанчалик асосли?
23:09 / 05.10.2024