Пенс Трампга импичмент эълон қилиниши мумкинлигини истисно этмади

АҚШнинг амалдаги вице-президенти Майкл Пенс президент Доналд Трампни лавозимидан четлатиш учун АҚШ конституциясига 25-тузатма қўлланиши мумкинлигини айтди. Бу тузатма Трамп кутилмаган хатти-ҳаракатларни амалга оширса қўлланиши мумкин.

Фото: AP

Таъкидланишича, Пенс жамоасида АҚШ етакчисига лаёқатсизлиги йўли билан импичмент эълон қилинишига тўғри келмаслигига умид қилинмоқда, чунки акс ҳолда бу мамлакат учун қўшимча хавф-хатарлар юзага келтириши мумкин.

Бироқ шу билан бирга вице-президентнинг айтишича, агар Трампнинг хатти-ҳаракатларини олдиндан айтиш қийин бўлиб қолса, Пенс конституцияга тузатмани қўллаши ва давлат раҳбари мажбуриятларини ўз зиммасига олиши мумкин.

25-тузатмага кўра, президент лаёқатсиз деб топилса ёки унинг ваколатлари муддатдан олдин тугатилса, вице-президент давлат раҳбари лавозимини эгаллайди.

Вашингтонда 6 январда юз берган тартибсизликлардан кейин бир қатор демократлар Трампнинг ушбу тузатма бўйича ҳокимиятдан четлатилишини талаб қилишган. АҚШ раҳбарининг баъзи партиядошлари ҳам худди шундай чақириқлар билан чиқишган. The New York Times нашри 8 январда Пенс ушбу чақириқларни қўллаб-қувватламаслигини маълум қилган.