Эмланган америкаликларга мамлакат ичида саёҳат қилишга рухсат берилди
Қайд этилишича, хорижлик сайёҳлар АҚШга келишидан олдин ва келганидан сўнг коронавирусга тест топширишга мажбур.
АҚШ касалликларни назорат қилиш ва олдини олиш маркази (CDC) коронавирусга қарши тўлиқ эмланган фуқароларга тест топширмасдан ва карантинда бўлмасдан мамлакат бўйлаб саёҳат қилишга рухсат берди. Бу ҳақда Associated Press агентлиги хабар бермоқда.
Марказнинг маълумот беришича, АҚШда 100 миллиондан ортиқ киши коронавирусга қарши вакцинанинг ҳеч бўлмаганда бир дозаси билан эмланган. Икки марта эмланганлар тўлиқ эмланган ҳисобланади.
Қайд этилишича, хорижлик сайёҳлар АҚШга келишидан олдин ва келганидан сўнг коронавирусга тест топширишга мажбур.
Пандемия бошланганидан буён АҚШда касаллик юқтириш билан боғлиқ 31,2 миллиондан ортиқ ҳолат қайд этилган, 566 мингдан ортиқ бемор вафот этган.
Мавзуга оид
09:10
Миллионлаб америкаликлар президентлик сайловларида овоз бериб бўлди
22:17 / 23.10.2024
АҚШда чатбот билан мулоқотда бўлиб келган 14 ёшли ўсмир кейин ўз жонига қасд қилди
22:00 / 23.10.2024
Тарихда биринчи марта ота-ўғил баскетболчи NBA ўйинида биргаликда иштирок этди
12:00 / 23.10.2024