Италия фермерлар уюшмаси мигрантлар учун эмлаш компаниясини бошлади

Италиянинг Колдиретти фермерлар уюшмасининг якшанба кунги эълонига кўра, мамлакат жанубидаги Фоджа коммунаси қишлоқ жойларида яшаётганлар ҳамда ишлаётганларга эътиборни кучайтириш ва уларнинг COVID-19’га қарши эмлаш жараёни тезлаштирилиши хабар қилинди. Маълум бўлишича, фермер хўжаликларнинг ўзлари мазкур ташаббус билан чиқишган.

“Улар орасида Фоджа учун зарур бўлган ишчи кучининг деярли учдан бир қисмини ташкил этувчи, Европа Иттифоқига аъзо бўлмаган мамлакат фуқаролар ҳам бор”, дейди Пуглиядаги уюшманинг минтақавий ваколатхонаси раҳбари Савино Муралия.

Ассоциациянинг қайд этишича, мазкур кампанияда ҳудуддаги 30га яқин фермер хўжаликлари иштирок этиб, COVID-19’га қарши қарийб 300 доза вакцина тақдим этилади. Шундан 220 дозаси Европа Иттифоқига аъзо бўлмаган фуқаролари учун ажратилган

Шунингдек, Савино Муралиянинг якшанба кунги баёнотига кўра, Фоджа коммунасидаги Каса Сансара аҳолиси ҳам эмланиши режалаштирилган.

Колдиретти ташкилоти баёнотига кўра, соғлиқни сақлаш соҳасида юз берган бундай фавқулодда вазиятда эмлаш кампанияси аҳолининг барча қатламларини ўз ичига олиши ва уни имкон қадар тезлаштириши лозим, дейилади. Шунингдек, тадбирлар ўтказиш учун иккита эмлаш маркази ва кузатув майдони, бундан ташқари кутиб олиш ва транспорт учун махсус йўналиш ташкил этилган. Шу билан бирга, Pfizer вакцинаси ажратилиши учун Фоджа коммунасидаги фермер хўжаликлари томонидан тузилган рўйхатлар тақдим этилган.

Баёнот давомида Италияда ишлаб чиқарилаётган “Made in Italy” бренди остида тайёрланувчи озиқ-овқат маҳсулотларининг чорак қисмидан кўпроғи хорижий ишчилар томонидан етиштирилиши таъкидланди. Эътиборга молик томони, Италия қишлоқ хўжалиги соҳасида, зарурий иш кунлари умумий сонининг 29 фоизини ташкил этувчи, 155 мамлакатдан ташриф буюрган 368 мингдан ортиқ ишчилар доимий иш билан таъминланган.

“Шунингдек, ушбу фуқароларнинг аксарияти Италия қишлоқ хўжаликларида узоқ вақтдан буён фаолият юритиб келишмоқда ҳамда уларда етарлича профессионаллик, кўникмалар ҳамда тажриба шаклланган” - дейилади баёнотда.