Молия вазирлигининг «Очиқ бюджет» ахборот порталига Навоий вилоятида учраётган камчиликлар ечимига маҳаллий бюджетдан пул ажратиш бўйича энг кўп овоз олган 39 та таклиф тасдиқланди.
Тасдиқланган таклифларнинг 25 таси ҳудуддаги мактабларни таъмирлаш, жиҳозлаш, компьютер жамланмалари, электрон китоблар олиб бериш, кузатув камералари ўрнатиш билан боғлиқ. Қолган таклифлар маҳаллаларга янги бино қуриш, ички йўлларни, маданият бўлимини таъмирлаш, спорт майдончалари қуриш кабилардан иборат.
Навоий вилояти бўйича «Ташаббусли бюджет» лойиҳасига қарийб 13,2 млрд сўм ажратилган. Ғолиб деб топилган лойиҳалар туман ва шаҳар халқ депутатлари қарори билан молиялаштирилади.
