ЖССТ раҳбари толиблар билан музокара ўтказиш учун Кобулга келди – ОАВ

Қайд этилишича, Тедрос Аданом Гебрейесус Афғонистонга соғлиқни сақлаш соҳасида ёрдам кўрсатиш муаммосини муҳокама қилмоқчи.

Жаҳон соғлиқни сақлаш ташкилоти бош директори Тедрос Аданом Гебрейесус Кобулга ташриф буюрди. Бу ҳақда TOLOnews телеканали хабар берди.

Телеканал маълумотига кўра, Гебрейесус ташриф давомида "Толибон" ҳаракати вакиллари билан учрашади.

Қайд этилишича, "Афғонистонга Жаҳон банки томонидан соғлиқни сақлаш соҳасида ёрдам кўрсатиш тўхтатилгани ҳамда ёрдамни қайта тиклаш" масаласи учрашувнинг асосий мавзуси бўлади.