Тошкент метроси поездида яна бир носозлик юз берди

Тошкент метроси поезди эшигида носозлик аниқланди. Бу ҳақда «Тошкент метрополитени» УК хабар бермоқда.

Бугун, 22 сентябр куни соат 08:37да «Халқлар дўстлиги» бекатида 13-йўналишдаги ҳаракат таркибининг 2-вагонидаги 4-эшиклари техник носозлик туфайли ёпилмай қолган.

Қайд этилишича, ҳаракат хавфсизлигини таъминлаш мақсадида йўловчилар ушбу поезддан туширилган. Ортдан келаётган 5-йўналишдаги ҳаракат таркиби бир дақиқада етиб келиб йўловчиларни олиб кетган.

«Тошкент метрополитени» келтирилган ноқулайликлар учун йўловчилардан узр сўраган.

Аввалроқ, Тошкент метросида поезд тўхтаб қолгани хабар қилинганди.

#поезд #метро