Самарқанд шаҳар ҳокимига янги ўринбосар тайинланди

Самарқанд шаҳар ҳокимининг 2022 йил 14 февралдаги тегишли қарорига асосан, Нуруллаев Хуршид Тоирович Самарқанд шаҳар ҳокимининг ўринбосари – маҳалла ва оилани қўллаб-қувватлаш бўлими бошлиғи лавозимига тайинланган.

Мазкур тайинловгача, Хуршид Нуруллаев Самарқанд шаҳар “Нуронийлар” жамоатчилик кенгаши раиси лавозимида фаолият юритиб келаётган эди.

Аввалроқ вилоят ҳокимига икки нафар янги ўринбосар тайинланганди. Вилоят ҳокимининг туризм, спорт, маданият, маданий мерос ва оммавий коммуникациялар масалалари бўйича ўринбосари – вилоят Туризм ва спорт бош бошқармаси бошлиғи лавозимига Рустам Қобилов, вилоят ҳокими ўринбосари – Маҳалла ва оилани қўллаб-қувватлаш бошқармаси бошлиғи лавозимига Исроил Жабборов тайинланганди.